“Ohin ita iha asina deklarasaun ho traballadór na’in 98, ne’ebé atu aranka ba servisu iha Australia iha loron rua tuir mai,”dehan Filomino Soares ba Jornalista Independente iha nia knaar fatin Bekora, horseik.
Nia dehan, SEFOPE kontinua husu ba empregadór sira Australia atu rekruta traballadór Timor oan barak ba servisu iha Australia.
Nia haktuir, entre traballdór na’in 95, balun traballadór tuan no balu foun. Sira foun foin maka atu ba dala ida, maibé sira tuan ne’e tanba empregador fó fiar nafatin ba sira durante servisu iha ne’ebá, ne’e duni empregador presija fali sira atu ba servisu.
“Durante Covid-19 atividade ladun la’o di’ak, tanba ne’e empregador sira hakarak bolu fila-fali trabaladór tuan sira atu ba servisu, ida ne’e la’os de’it ba Timor ona mais inklui mós nasaun seluk.
Nia hatutan, antes ne’e SEFOPA haruka ona traballadór Timor ona hamutuk ema na’in 73 ba servisu iha Australia foin lalais.
