Tuir dadus husi Departamentu Vijilansia Epidemolojia, Ministériu Saúde, iha 12 Marsu tinan ne’e, kazu dengue hamutuk 3,050.

Enkuantu iha 15 Marsu, kazu ne’e sa’e ba 3,149. Signifika iha loron tolu nia laran iha aumenta kazu 99.

Husi kazu 3.149 ne’e munisipiu Dili rejista kazu 2,091, Manatutu kazu 164, Manufahi kazu 128, Baukau kazu 125, Kovalima kazu 113, Lautem kazu 104, Ermera kazu 90, Likisa kazu 89, Aileu kazu 85, Vikeke kazu 57, Ainaru kazu 43, Bobonaru kazu 42 no RAEOA kazu 3.

“ Husi dadus ne’e hatudu kazu dengue espalla ona iha teritoriu Timor-Leste tomak no kazu mate espalla ona iha munisipiu 9, ne’ebé kazu (mate) hamutuk sa’e ba 35,” informa MS liu husi karta komunikandu ne’ebé Jornal INDEPENDENTE asesu, Kuarta (15/03).

Munispiu 9 ne’ebé rejista ona kazu mate mak munisipiu Dili kazu 18, Ermera ho kazu 4, Kovalima kazu 5, Aileu kazu 2, Ainaru kazu 2, Baukau kazu 1, Manatutu kazu 1, Manufahi 1 no Vikeke kazu 1.

Molok ne’e, tuir dadus iha 12 Marsu kazu dengue iha Timor-Leste tomak hamutuk 3,050.

Husi total ne’e, munisipiu Dili rejista kazu 2,013, Manatutu kazu 159, Manufahi kazu 128, Baukau kazu 125, Kovalima kazu 113, Lautem kazu 104, Ermera kazu 90, Likisa kazu 89, Aileu kazu 85, Vikeke kazu 57, Ainaru kazu 43, Bobonaru kazu 41 no RAEOA kazu 3.