Telkomcel inisitiva hodi fahe koñesementu ba ema ho defisiénsia iha Fundasaun Ahisaun hodi perpara kapasidade rekursu umanu no dezenvolmentu ema ho  defisiensia.

“Objetivu husi fahe koñesimentu ba maluk defisiensia tanba Telkomcel haree katak sira iha kualidade ne’ebé hanesan mós ema sira ne’ebé non defisiénsia. Tanba Fundasaun Ahisaun rasik iha media hanesan Radio Komunidade Defiseinsia Timor-Leste (RKDTL) hodi halo advokasia ba ema ho defisiénsia,” nia hateten iha komunikadu, Sesta (28/07/2023).

Fahe koñesimentu ne’ebé fasilita husi Telkomcel, iha loron 8 Jullu 2023, nomós sei kontinua hasa’e abilidade sira nian.

Bainhira iha oportunidade servisu ruma anunsiu husi telekomunikasaun ka setor privadu seluk ne’ebe sei publika sai iha publiku hodi ema hotu bele aplika no inklui maluk defisiensia sira mos bele asesu no kompete iha oportunidade refere.

Kontinuasaun atividade husi parte Telkomcel ho Fundasaun Ahisaun komitmentu servisu hamutuk, iha loron 19 Julhu 2023, hala'o asina nota intendimentu (MOU) entre Telkomcel & Fundasaun Ahisaun (Defisiensia) hodi kolabora hamutuk atu fahe esperensia liu husi formasaun ba ema ho defisiensia iha futuru.

Iha sermonia asina nota entedimentu, Telkomcel mos halo atividade Corporate Social Responsibility (CSR) halo doasaun sasan elektronika ou Digital Service hanesan; Laptop unidade 1, Projector unidade 2 ho Router unidade 1, entrega ba maluk defisiensia sira hodi apoiu sira nia atividade ho servisu iha Fundasaun Ahisaun rasik.

Serimonia entrega sasan elektonika husi komisáriu Prinsipal Telkom Indonesia, Sr. Bambang Permadi ho konsellu komisáriu, Marcelino Pandin ho CEO Telkomcel, Benedictus Ardiyanto Priyo no simu husi Direitor Fundasaun Ahisaun, Domingos Talo Mau dos Santos no ekipa.