Xefe Suku Kamea Matos da Costa hatete, iha Suku Kamea iha aldeia hamutuk 13, benefisiariu ba subsidiu ne'e hamutuk uma kain 3.109, maibé sei esklui balun tanba ninia salariu liu $500.
"Ami nia aldeia Ailele-hun ho total benefisiariu hamutuk 285 no aldeia Has-laran hamutuk 408 ne'e naran la sai kedas no adeia rua hanesan Ailok-laran benefiariu hamutuk 291, no aldeia Terminal hamutuk 378 ne'e naran sai fali iha Suku Bekora, tanba ne'e ami nia pulasaun uma kain hamutuk 1.372 maka naran la sai,"dehan nia, iha Sede Suku Kamea, ohin.
Matos hatutan, aldeia rua hanesan Terminal ho Ailok laran, sei la halo pagamentu iha Kamea, maibé sei koordena ho Autoridade Suku Bekora bainhira sira halo hotu pagamentu ba nia populasaun maka sei depois maka halo fali pagamentu ba uma kain sira husi aldeia rua ne'e, tanba ninia osan ne'e aloka hotu ona ba suku refere.
Ba aldeia rua ne'ebé naran la sai liu ne'e, xefe suku halo ona kontaktu ba autoridade munisipiu nune'e informa ona ba nasionàl, fiar katak sira sei hetan pagamentu iha etapa daruak nian.
Tanba ne'e xefe suku ne'e husu ba komunidade sira ne'ebé naran la sai la signifika katak sei lakon direitu, maibé sei hetan direitu iha pagamentu segundu etapa nian.
