Xefi Departementu, Arcanzo dos Reis hateten, lansamentu ba programa ne’e hala’o ona iha Gleno, Munisipiu Ermera, maibé hafoin lansamentu to’o agora laiha kontinuasaun.

“Ami hein hela atu halo distribuisaun, maibé la konsege tanba kompaña hirak ne’ebé rejista retira hotu ho ona, tanba dehan orsamentu ladun bo’ot, estrada atu asesu ba suku no Postu la di’ak no kareta ne’ebé atu tula mina laiha,” informa Arcanzo dos Reis ba Jornalista Independente iha nia knaar fatin, Kaikoli, horseik.

Nia haktuir, ho preokupasaun hirak ne’e hotu ita la konsege halo distribuisaun iha faze dahuluk, tanba tempu limitadu loos mais kupaun mina nian ne’e sei rai hela iha diresaun nasional kafe.

“Ha’u foti kupaun iha komisaun ba area kafe nian de’it ne’eb’e kuaze 40 mill litrus, kada makina hetan 150 litrus ba faze dahuluk nian, maibé realidade seidauk bele realiza,” tenik nia.

Nia argumenta, bainhira distribuisaun iha faze dahuluk mak la’o loos, entaun ita avansa ba faze daruak nian, tanba kafe na’in balun nia makina seidauk rezista.

Munisipiu ne’ebé kobre ba plantasaun kafe mak hanesan, Munisipiu Ermera iha makina 141, Ainaro makina 9, Aileu makina 41, Manufahi makina 10, Likisa makina 30, Manatutu makina 6 no total makina iha 241 mais ida ne’e mós balun seidauk rejistu.

Nia konsidera programa subsidiu kombustivel ne’e derepenti de’it, tan ne’e susar ba tekniku sira iha baze atu rekolla dadus.

Iha sorin seluk, Diretor Jeral Peskas, Acaçio Guterres hatete, subsidiu kombisutivel ba peksador sira iha faze dahuluk remata ona no agora hein ba faze daruak nian.