Diretora Servisu Saúde Munispiu Dili, Agostinha Segurado hatete, suplementu ba labarik stok out no sei iha prosesu aprovizionamentu no balun iha ona dalan, espera fulan ne’e SAMES bele destribui ona ba sentru saúde hotu hodi fó ba labarik sira.

Meius atu responde ba suplemetu ne’e, nia dehan, nia parte fo akonselamentu ba inan-aman sira atu utiliza produtu lokal ne’ebé iha nutrisaun ba oan sira.

“Ita kontinua garante, fó akonselamentu ba inan-aman atu utiliza produtu lokal ne’ebé sai tabela nutrisaun nian hodi fó ba labarik sira hodi hein prosesu suplementu ne’e to’o rai laran,” dehan nia hafoin partisipa Workshop kona-ba Avaliasaun Risku Korrupsaun iha Aprozionamentu Setor Saúde, iha Hotel Timor, Segunda (06/06).

Molok ne’e, Koornedador Jestaun ba Programa Ma-nutrisaun iha Sentru Saúde Formoza II, Antonio da Cruz hatete, hahú kedas iha fulan Janeiru to’o Maiu, stok suplmentu hahan ba ma-nutrisau liu-liu platinat F75, F100, mamuk.

“Tanba ne’e, durante ne’e ami labele distribui buat ida, tanba hahaan sira ne’e expire ona no stok foun mós ami hein seidauk tama,” dehan nia.