Tuir Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo hatete, kazu foun ne’ebé relata ohin barak liu iha Kapital Dili ho numeru hamutuk 66, Munisipiu Baucau na’in 4, Bobonaro na’in 6, Vikeke 2, Aileiu 1, Ermera 2 no Manatuto 2.
“Husi kazu ohin sira ne’ebé ho idade 12-59 na’in 77 no idade 60 iha na’in 6,”dehan nia iha komunikadu, sabado ohin.
Rui relata, husi total kazu detetadu foun iha proporsaun kazu sintomátiku hamutuk pursentu 8,4.
Ho nune’e, kazu rekuperadu hamutuk 119, no kazu ativu iha izolamentu no auto-izolamentu hamutuk 1,580.
Enkuantu total komulativu kazu konfirmadu hamutuk 8,228.
Husi horiseik (11/06) mai ohin (12/06) teste PCR ne'ebé Laboratóriu Nasionál Saúde halo iha Dili hamutuk 1,334 kompostu husi, Vijilánsia sentinela na’in 56, Contact tracing 104, Random Screening 237, Viájen sai husi serka sanitária husi Dili 851, Viájen internasionál laiha no Follow up iha kuarentena hamutuk 86.
Totál testes PCR ne’ebé halo horiseik (11/06) iha Munisipiu sira seluk, RAEOA no HNGV hamutuk 468 ho detalle hanesan tuir mai, Baucau 129, Ermera 26, Maliana 21, Maubise 86, RAEOA 18, Suai 47, Vikeke 31 no HNGV 110.
Entretantu, iha izolamentu vera Crus ohi halo tratamentu ba kazu detetadu hamutuk 22, ne’ebé fahe ba Obstetria na’in 3 no Medisian interna 19.
Asistente Editor: Saturnina da Costa
