Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr.Rui Maria de Araújo hatete, kazu foun ne’ebé relata ohin, iha Kapital Dili na’in 22, Baucau 2, Bobonaro 2, Ermera 2 no Vikeke 3.

“Sira ne’ebé ho idade 12-59 iha na’in 29 no idade 60 ba leten iha na’in 2. Nune’e total proporsaun kazu sintomatiku hamutuk pursentu 19,3 (19,3%),”dehan nia iha komunikadu, sesta ohin.

Enkuantu, komulativu kazu konfirmadu hamutuk 8,145.

Husi horseik (10/06) mai ohin, teste PCR ne’ebé Laboratorium Nasional Saúde halo hamutuk 588, kompostu husi  Vijilansia sentinela iha na’in 28, Contact tracing 4, Random Screening 191, Viajen sai husi serka sanitaria Dili 282, Viajen internasional 76 no Follow up husi kuarentena 7.

Total PCR ne’ebé halo horseik (10/06) iha Munisipiu sira, RAEOA no HNGV hamutuk 602, ho detalle hanesan tuir mai, Baucau 83, Ermera 142, Maliana 27, Maubisse 133, Suai 38, Vikeke 66, RAEOA 5 no HNGV 108.

Entretantu, informasaun iha izolamentu, ohin halo tratamentu ba kazu detetadu hamutuk na’in 26.

Asistente Editor: Saturnina da Costa