Matebian ho naran Odete da Silva ho idade tinan 71, ne’ebé hakotu iss iha oras tuku 02:00 lokraik, loron 8 fulan-maio, iha Sala Izolamentu Vera Cruz.
Tuir kronolojia, matebian iha ona moras komplikadu seluk hanesan moras feto, nune’e familia deside atu lori ba iha sentru saúde Uatulari atu halo tratamentu ba nia moras.
Maibé mediku sira halo karta autorizasaun hodi haruka fali mai iha Dili hodi kontinua halo tartamentu iha Óspital Nasional Gúidu Valadares (HNVG).
Ho nune’e matebias baixa iha HNGV semana rua nia laran no nia saúde konsege rekopera hafoin fila ba uma.
Iha loron 6 fulan-maio matebian komesa moras fali no familia deside lori fali mai iha HNGV hodi halo mós teste Swab ba nia no deteta nia hetan positivu Covid-19.
Nune’e iha loron 07 fulan-maio ekipa sira transporta kedan mai Sala Izolamentu Vera Cruz, hafoin hakotu iss iha loron 08 fulan-maio.
Tuir José Amaral hanesan oan mane husi matebian hatete, matebian lori ba sentru saúde Vikeke hodi halo tratamentu, maibé nia kondisaun la dun diak no matebian transporta fali ho aviaun helikoptru mai iha HNGV.
“Ha’u nia ama durante ne’e moras hela kuaze fulan ida ona, entaun ami lori ba Postu-Saúde Uatulari, no mediku sira halo rujukan hodi lori mai Dili hodi hetan atendementu diak liu ba nia saúde,”dehan nia ba Online Independente iha Sala Izolamentu Vera Cruz, domingo ne’e (09/05).
Nia hatutan, matebian baixa iha HNGV kuaze semana 2 iha nia laran no konsege rekoprea hodi haruka nia fila ba uma.
“Ami lori ama mai iha familia nia uma iha Dili no foin lalais nia kondisaun saúde grave fali no ami lori fila-fali ba iha HNGV iha loron 06, hafoin Doutor sira iha HNGV haruka Swab no deteta Positivo Covid-19 entaun transfere kedan mai iha izolamentu Vera-Cruz iha loron 07 fulan-maio no horseik (08/05) tuku 02 lokraik nia hakotu is.
Enkunatu matebian sei haloot iha nia rai morsi fatin tuir protokolu Organizasaun Saúde Mundial nian.tanba iha ona konkordansia husi SIJK no famila.
Molok ne’e, ema ne’ebé mate ho Covid-19 iha na’in 4 kompostu husi mane na’in 2 no feto na’in 2. No horseik iha tan feto ida mak hakotu iss.
Entretantu tuir dadus, ema ne’ebé mate ho Covid-19 hamutuk na’in 5 kompostu husi feto na’in 3 no mane na’in 2.
Jornalista: Camilio de Sousa
Asisten Editor: Saturnina da Costa
