Diretora Servisu Saúde Munisipiu Dili, Agostinha Segurado hateten, sei kontinua tau konsiderasaun ba prevensaun moras dengue no labele husik saude mesak maibé tenke partisipa másimu husi komunidade.

“Númeru ne’e relata relata direita husi fasilidade saúde sira hanesan, sentru saude to’o postu saude inklui ospital no klinika privadu sira. Husi numeru ne’ebé mak ita simu ne’e maioria labarik kiik sira, maibé la rezulta ema mate,” nia hateten iha MS, Kinta (06/07/2023).

Labarik kiik sira afeita ba moras dengue ne’e tanba dalabarak komunidade so’e foer arbiru hodi hamosu susuk iha valeta kuak.

Komunidade liuliu inan aman sira tenke halo limpeza bebeik iha uma oin no labele husik bee nalihun iha valeta kuak, tenke tau bee iha bidon no taka metin, nune’e labele hamosu susuk barak iha komunidade nia leet.

Nia husu ba komunidade presiza kimiku abate karik informa lalais ba iha postu saude ka ekipa saude no familia sira, atu nune’e bele fornese lalais hodi fasilita informasaun no metodu prevensaun, liuliu ba ekipa saude sira ne’ebé mak hala’o sosializasaun tama sai uma.