Iha serimonia intrega material ne’e, Sekretáriu Estadu Protesaun Sivil Joaquim José Gusmão dos Reis Martins akompaña husi Xefe Gabinete Protesaun Sivil, Francisco Martins da Silva hamutuk ho Country Diretór USAID, Zema Semunegus nomós Xefe Missaun IOM iha Timor-Leste. Ihma Shareef.
Sekretáriu Estadu Protesaun Sivil, Joaquim José Gusmão dos Reis Martins hatete, apoia ne’e ba vitima afeitadu sira husi inundasaun nian ne’ebé hetan uma estragus total.
“Sasan ne'ebé vitima sira simu mak hanesan karosa, tali, metru, arame, pregu xapeu, pregu 7, albanka, kanuru, lubas no kado-Ai,”dehan nia iha komunikadu ne’ebé Online INDEPENDENTE asesu, (13/07).
Nia hatutan, apoia hirak ne’e hodi halo kompleta ba material konstrusaun ne’ebé antes ne’e vitima afeitadu sira simu ona.
Enkuantu, kona-ba orsamentu protesaun sivil hamutuk ho parseiru IOM hetan suporta husi United States Agency Internasional Development (USAID).
Nune’e, atu reduz no rekupera fali nesesidade vitima sira ne’ebé afeitadu husi dezastre naturais foin lalais ne’e.
Asistente Editor: Saturnina da Costa
