Familia Pasiente Joana das Neves lamenta sintina iha HNGV intupidu bele fó impaktu saúde ba pasiente no família pasinte sira.
“ Iha sala ba bebe sira nian no inan isin rua nian ne’e kuaze loron hirak ona maka sintina intupidu ne’ebé pasinte no ami atu sintina mos tenke lao ba fali iha sala seluk nian”,dehan nia bainhira dada lia ho INDEPENDENTE iha HNGV-Dili,horisehik.
Nia informa, maski sentina iha sala rua ne’e la funsiona, ekipa kliner sira iha ospitál la hamoos ne’ebé hamosu ambiente iis makas iha sala bebe no inan isin rua nia.
Atedimentu Saúde Pasiente sira , nia dehan, médiku no enfermeira sira atende pasinte diak tebes liu husi kontrola, fó aimoruk no hahan ho profesionál.
Tuir observasaun jornalista Diariu ne’e iha terenu nota katak,Senitina iha sala bebe no inan isin rua ne’e intupidu duni maibé parte kompetente HNGV seidauk halo manutensaun ne’ebé famila pasiente ba tuda rahun tanba la tahan nia iis.
Atu responde lamentasaun pasiente no família pasiente Jornalista diariu ne’e tenta atu halo konfirmasaun ba Diretór HNGV maibé laiha tempu atu hasoru Jornalista sira ho razaun okupadu servisu.
