Semana Ne’e, Traballadór Na’in 78 Sei Aranka Ba Servisu iha Australia Featured

By Estajiaria/Graça Sandra De Carvalho Novembru 30, 2023 2845
Hafoin asina deklarasaun, Traballadór na’in 78 ne’ebé atu servisu iha Australia foto hamutuk ho Diretór Nasional Empregu Estranjeiru, João Correia Pereira no Sekretáriu Estadu Formasaun Profesional no Empregu, Rogério Araújo Mendonça, iha Salaun SEFOPE, Kaikoli, Dili, (30/11/23). FOTO:INDEPENDENTE/Graça . Hafoin asina deklarasaun, Traballadór na’in 78 ne’ebé atu servisu iha Australia foto hamutuk ho Diretór Nasional Empregu Estranjeiru, João Correia Pereira no Sekretáriu Estadu Formasaun Profesional no Empregu, Rogério Araújo Mendonça, iha Salaun SEFOPE, Kaikoli, Dili, (30/11/23). FOTO:INDEPENDENTE/Graça .

DILI: Sekretáriu Estadu Formasaun Profesional no Empregu, liuhusi Diresaun Nasional Empregu Estranjeiru, kinta ne’e, asina deklarasaun ho familia no traballadór na’in 78 ne’ebé atu servisu iha Australia no traballadór hirak ne’e sei aranka iha semana ne’e nia laran.

Tuir Diretór Nasional Empregu Estranjeiru, João Correia Pereira hatete, traballadór na’in 78 ne’e kompostu husi mane na’in 51 no feto na’in 27.

“Ba traballadór sira atu aproveita tempo ho diak no servisu ho diak bele fó benifisiu ba familia no nasaun RDTL, tanba sira dedikasaun mós faz parte hotu ba rai ida ne'e,”dehan nia iha Salaun SEFOPE, Kaikoli, Dili, (30/111).

Nia hatutan, tuir dadus husi SEFOPE liu husi DNEE, total traballadór ne’ebé ba servisu ona iha Australia iha tinan 2023 hamutuk na’in 4.223, husi númeru ne’e traballadór hirak ne’ebé sira nia kontratu servisu to’o tinan ida no tinan haat hamutuk 575, ne’ebé kompostu husi mane na’in 488 no feto 77.

Iha fatin hanesan, Sekretáriu Estadu Formasaun Profesional no Empregu, Rogério Araújo Mendonça husu ba traballadór sira ne’ebé hetan oportunidade ba servisu iha Australia atu uza oportunidade ne’e ho diak no labele kontra regras iha nasaun refere.

Entretantu, Reprezentante Familia Traballadór Filinto F’atima Marques hato’o agradese wain ba SEFOPE ne’ebé fasilita ona sira nia oan ba servisu iha Australia.

Rate this item
(1 Vote)

Independente Digital TV