Sesta solidária ne’ebé fahe ba vitima sira mak hanesan, sasan nesesidade bázika sira.

Ho nune’e, antes fahe sesta solidária ba vitima sira, SekJer rona uluk vitima sira nia prokupasaun.

Vitima sira relata ba SekJer Partidu FRETILIN katak, bainhira akontese insendiu ne’e sira nia sasan la salva hotu, inklui mós dokumentus sira.

Tan ne’e, ho apoiu no prezensa SekJer nian, vitima sira agradese, tanba bele fó apoiu ona neseidade bázika ba sira.

“Bom membru Governu sira mós sei ajuda. Ha’u sei ko’alia Ministeriu Justisa no buat sira ne’e hotu para halo lalais bae ma sira vitima ne’e   ”

Entretantu, iha sorin seluk Xefe Suku Madohi, Bernadino de Cristo Fereira, hatete, tuir dadus vitima insendiu ne’e hamutuk mais ou menus uma-kain 100.

Enkuantu, insendiu ne’e akontese iha Karantina Tasi-Tolu, Aldeia Tera Santa, Suku Madohi, Postu Administrativu Dom Aleixo, Munisipiu Dili, iha loron 23 fulan-Fevereiru, oras 19:20 otl.

“Vitima sira ne’e, provizoriu hamutuk uma-kain atus ida liu, tanba dala ruma fatin ka kuartu ida keluarga  rua ka tolu mak hela hamutuk, nune’e ita bele dehan vitima uma kain ne’e hamutuk atus ida ou liu,”dehan nia iha Aldeia Karantina, Tasi-Tolu, kinta (23/02).

Enkuantu, vitima Margarida Fereira hatete, bainhira akontese insendiu ne’e, vitima refere tein hela hahan iha dapur laran, hafkfodak haree ahi komesa han ona uma ida iha kraik fali. Maibé lakleur deit nia haree ahi han to’o ona portaun ne’ebé sira hela bá.

“Sorte ahi atu han tan ha’u, tanba ha’u mak halai ikus no ha’u hiit deit mak fós ho mina masa ida, atu lori sasan seluk, no ha’u nia osan mós labiban ona,”dehan nia.

Aliende, Prezidente Autoridade Munisipiu Dili, Guilhermina Filomena, hatete, ba vitima sira, autoridade lokal, polisia OPS, no mós protesaun sivil sei halo levantamentus dadus ba vitima sira hafoin bele fó apoiu emerjensia.