Diretor Nasional Empregu Exterior, Filomino Soares hateten, temporariamente governu seidauk iha planu atu haruka traballadór ba servisu iha nasaun Korea no Aústralia. Maibé, bainhira fronteira husi nasaun rua ne’e loke ona, ita preparadu hela.
“Ami simu orientasaun husi Aústralia katak, traballadór ne’ebé hakarak ba servisu iha Aústralia tenki simi vasina Astrazeneka,” dehan Filomino Soares ba Jornalista Independente iha ninia knaar fatin, Bekora, (07/09).
Nia klarifika, ekipa fó hanoin ona ba ema sira ne’ebé atu ba Australia katak, se maka tama ona iha selesaun bele mai hatama ona sira nia evidensia kona ba vasinasaun nian, nune’e bele update ba iha sistema baze de dadus.
Antes ne’e, iha fulan Jullu nia laran SEFOPE haruka traballadór na’in 70 ba Sul Korea Sul, maibé kansela ema na’in 4.
