“Traballadór sira ne'ebé asina deklarasaun hamutuk ho familia iha loron 25 maio 2022 hamutuk na’in 41, no sira ba servisu iha Korea Súl,”dehan Sekretaríu Estadu Profesional no Emprego, Alarico do Rosario, iha salaun Ó’tel Timor-Logde, kuarta (25/05).

Nia hatutan, traballadór na’in 41 ne’e ba servisu hotu iha area peskas nian.

Nia haktuir, joven sira ne’ebé hakarak atu ba servisu iha Korea Súl ne’e, presiza tuir kursu iha fulan neen (6) laran, hafoin tuir teste no hetan oportunidade bele ba servisu.

Iha fatin hanesan, Komisariu CAC, Sergio Hornai, hatete, governu servisu hamutuk ho SEFOPE atu bele kria kondisaun ba joven timoroan sira atu nune’e bele nesesita sira nia uma laran no nasaun.

Tanba ne’e, Komisariu CAC ne’e, agradese ba governu Korea ne’ebé nafatin iha kooperasaun ho governu Timor-Leste, hodi haruka traballadór sira ba buka moris iha ne’ebá.

Nune’e, Komisariu akresenta, lori CAC nia naran, husu ba joven traballadór sira ne'ebé iha ona ema nia rain, tenki hatudu maturidade no responsbilidade ne’ebé diak. Tanba sira ba laos reprezenta deit familia maibé reprezentante mós nasaun ida ne’e nian.

“Tanba imi mos kontribui ona ba nasaun ida ne'e liu-husi rendimentu ne'ebé imi hetan,”dehan nia.