SEFOPE Haruka Tan Traballadór Na’in 34 ba Korea Súl Featured

By Evangelia Quefi Marsu 26, 2023 263
Traballador na'in 34 hasai foto hamutuk Diretór Jeral Formasaun Profesional no Empregu Interino, Jacinto Barros hamutuk ho reprezentante HRD Korea iha Timor-Leste Jooyun Yang, Diretóra Diresaun Nasionál Empregu Exteriór interina Clementina de Araujo Almeida, koordenadór mobilizasaun traballadór ba Korea Súl Sabino das Neves, iha salaun Timor-Lodge, sesta (24/03). Foto:INDEPENDENTE/Evangelia. Traballador na'in 34 hasai foto hamutuk Diretór Jeral Formasaun Profesional no Empregu Interino, Jacinto Barros hamutuk ho reprezentante HRD Korea iha Timor-Leste Jooyun Yang, Diretóra Diresaun Nasionál Empregu Exteriór interina Clementina de Araujo Almeida, koordenadór mobilizasaun traballadór ba Korea Súl Sabino das Neves, iha salaun Timor-Lodge, sesta (24/03). Foto:INDEPENDENTE/Evangelia.

DILI: Sekretaria Estadu Formasaun Profesional no Empregu liu husi Diresaun Nasional Empregu Exterior, domingo ne’e (26/03), haruka tan traballadór na’in 34 ba servisu iha Korea Súl.

Enkuantu, husi traballador hirak ne’e, na’in 14 hanesan traballadór re-entry ne’ebé sei ba servisu iha área fábrika no traballadór regulár na’in 20 sei ba servisu iha área peskas.

Diretór Jeral Formasaun Profesional no Empregu Interino, Jacinto Barros husu ba traballadór hirak ne’e atu labele haluha katak sira mka sai fontes ba nasaun Timor nia pasadu no futuru.

"Imi bele ba Korea tanba esforsu no sakrifisiu ne'ebé imi nia maun sira halo ona iha pasadu, imi nia komportamentu no servisu diak sei oferese imagen diak ba nasaun rua ne’e,”dehan nia iha salaun Timor-Lodge, sesta (24/03).

Ho nune’e, nia enkoraza joven na’in 34 ne’ebé hetán tán oportunidade ba servisu iha Korea Súl hatudu komportamentu ne’ebé di’ak, kumpri promesa ne’ebé halo ona hodi labele sai traballadór ilegál, iha ema nia ra’in, tanbá tuir dadus Timor-Leste hanesan nasaun datoluk traballór sai ilegál.

Nia afirma ba servisu iha rai-liur la’os hanesan pesoál, maibé ba reprezenta nasaun Repúblika Demokratika Timor-Leste, nune’e hatudu prestasaun servisu ne’ebé di’ak, respeita ema nia lei, servisu rai osan hodi nune’e fila mai bele dezenvolve ita nia nasaun sai hanesan país sira seluk ne’ebé dezenvolvidu iha mundu.

Entretantu, Reprezentante traballadór Timor-oan husi Munisipiu Kovaliman Postu Administrativu Suai-Vila, Suku Beco, Marcal Da Silva hatete, antes ba servisu iha Korea ba dahuluk tenki kursu lian korea.

Tuir nia, prosesu aprendijazen ne'e la’ós aprende lian deit, maibé estuda mós etika no aprende mós kona ba oinsa dezenvolve ekonomia.

"Ha’u nia mensajen ba joven sira, keta lakon oportunidade ne'ebé iha no aproveita didiak, atu nune’e bele atinji ita nia mehi ne’ebé sei sai realidade,"nia hakotu.

Rate this item
(0 votes)

Independente Digital TV