Diretór Jeral SEFOPE, Carlito do Rosario Cabral hatete, kona-ba vaga online nia fo teste ba kandidatu Timor oan sira hotu ona, agora dadaun Sekretariu Estadu Formasaun Profesional no (Empregu) forma ekipa ida atu halo Koreksaun ba materia teste eskrita lian inglesh.
"Kona-ba materia teste eskrita lian inglesh agora dadaun iha ami nia fatin hodi halo Koreksaun hotu foin fo sai resultadu ba munisipiu hotu-hotu, se mak pasa iha teste eskrita lian inglesh ne'e depois liu intervista," Dehan Nia ba Jornalista sira iha salaun SEFOPE Kaikoli, Kuarta (24/04)
Depois se mak pasa iha intervista hodi tau iha sistema world full prontu atu ba servisu iha Australia, bainhira empregador sira husu bele oferese kandidatu Timor oan sira liu ona intervista.
Kona-ba data fiksuk seidauk fo sai tanbá Sekretariu Estadu Formasaun Profesional no Empregu (SEFOPE) Rogerio Araujo Mendonça ajenda barak iha rai liur, depois nia fila mai ami enkontru Konsellu Diretór hodi foti dezisaun.
Nune'e bele forma ekipa atu halo koreksaun ba materia teste eskrita lian inglesh, kona-ba data ho orariu estabelese ona foin informa ba publiku sira hodi hatene se mak liu no se mak la liu.
Ekipa ne’ebé atu halo koreksaun ba materia teste eskrita lian inglesh mai husi Sekretariu SEFOPE no DFA, tanbá prosesu sira apoiu husi governu Australia.
