Amu João hanesan veteranu boot ida ba sarani Katólika Timor-Leste, tanba nia dedikasaun ba sarani iha parte-leste no kontribuisaun ba independénsia nasaun ne’e nian mós barak.

“Hakarak lakohi ita hotu loron ida sei fila, maibé importante mak hatuur ita nia-aan tuir idak-idak nian fiar hanesan Amu João”, tenik nia, iha salaun Ministériu Finansas, Ai-Tarak Laran, horisehik.

Nia mós fó agradesimentu Pe. João de Deus ne'ebé kontribui mós ba independénsia ne’e hodi kontribui barak mós ba sarani sira iha parte leste ne’ebá, nune’e sarani sira tau iha fuan hadau malu lori ba hakoi iha Laga no Kelikai, maibé sira nia boot deside hamutuk maka Fatumaka.