"Karreta tula aihan no aimoruk sira mai nafatin hanesan babain,"dehan Ministru Reforma Lejislativa Asuntu Parlamentar (MRLAP) Fidelis Leite Magalhaes, Kuarta (18/03).

Ba ro ne'ebé tula sasan, Ministru Fidelis hatete, kontinua hala'o operasaun maibé iha protokolu foun ida katak sira sei para iha zona rezerva ida iha ponte kais.

“Ró bele mai, sira (sidadaun estranjeiru) labele tuun mai, no bandu mós trabaladór sira labele sa'e ba sira iha laran,” dehan nia.

Rezolusaun ne'e mós bandu see de'it mak serbisu iha administrasaun direita no indireita orgaun estadu nian, husi membru governu to'o funsionariu bababin, atu labele halo serbisu ba rai li'ur.

"Maibé ba situasaun emerjensia bele suplai tama no sai hanesan aimoruk, ema moras sira."