Nune’e, ba empreza no mós fakultativu sira ne’ebé foun ka foin mak atu mai adere, rezistu sei taka iha loron 27 fulan-Maiu.

“Ba ita nia empreza sira ne’ebé foun no mós ita nia fakultativu sira, ou negosiante fakultativu hanesan, motorista, taksista ne’ebé foin atu mai rezistu, ita sei taka iha loron 27 fulan-Maiu,”dehan nia iha knar fatin INSS, Kaikoli Dili, Segunda ohin (24/05).

Nia hatutan,  ba empreza no traballador fakultativu sira ne’ebé tuan ou rezistu nanis ona iha seguransa sosial sei atende to’o fulan-Juñu ikus.

Tanba ne’e, nia husu ba empreza no traballador fakultativu sira ne’ebé rezistu nanis ona iha seguransa sosial, atu fó tempo ba empreza no negosiante sira foun atu rezistu uluk.

Entretantu, Governu sei fó subsidiu ba trabalhador fakultativu no empregador sira ho medidas neen mak hanesan, Subsidiu extraordinariu ba trabalhador ho konta ema seluk nian iha pursentu 70 (70%),  subsidiu extraordinariu ba trabalhador  ho konta propriu, empregu individu, trabalhador servisu domestika, jerente no administradores iha pursentu 85 (85%).

Aliende, despensa iha pursentu 6 (6%), subsidiu extraordinariu ba dezempregu iha pursentu 40 (40%), subsidiu extraordinariu ba eletrisidade iha pursentu 50 (50%) no subsidiu extraordinariu ba renda iha pursentu 30 (30%).

Long hatutan, kona-ba inskrisaun, bele mós liu husi WhatsApp no email (segurançEste endereço de email está sendo protegido de spambots. Você precisa do JavaScript ativado para vê-lo., no situs MSSI:mss.gov.tl) ne’ebé INSS estabelese ona, tanba agora dadauk iha hela situasaun konfinamentu domilisiariu nune’e labele halibur malu barak.

Enkuantu, tempu ba empreza no trabalhador sira tuan sei barak, signifika sei to’o iha fulan-Juñu.

Asistente Editor: Saturnina da Costa