“Ita labele hareee de’it, igualidade jeneru ba feto nia partisipasaun iha politika, maibé feto sira ne’ebé mós hala’o sira nia atividade iha loron loron nian ne’ebé faan sasan ruma, organiza aan ida ne’e mós kontribui ba taxa estadu nian signifika katak nia mós halo servisu ruma ne’ebé bele hatama osan ba kofre estadu,” dehan nia, ba Jornlalista sira hafoin partisipa iha komemorasaun Ezistensia Rede Feto ba dala 20 iha, edifisiu Rede Feto, Kaikoli, Sesta (11/03).
Nia hatutan, bainhira ko’alia konaba igualidade jeneru, dala barak ema hanoin buat hotu tenki di’ak, maibé feto sempre iha mane nia kotuk hela deit, mane mak bele mane mak iha liu forsa, no ladignifika saída mak feto sira halo ona.
Entau, ho saída mak feto sira halo ona nune’e mane labele halo hanesan Tais ne’ebé tama ona ba patrimoniu kultural husi UNESKU, entaun ita feto sira nia tais mós agora komesa folin di’ak, no iha valor.
“Ida ne’e mak atu dehan igualidade jeneru la’os haree de’it ba partisipasaun feto iha politika, maibé haree mós partisipasaun feto nian iha atividade lorloron, hanesan nia loke keos ida nia halo servisu ida, nia iha osan sosa masi-midar ida nee kontribui ba taxa,” nia subliña.
Nia afirma tan katak, bainhira atu hareee ba kestaun ida ne’e, tenki halo estudu profundu liu nune’e bele haree katak feto timor-leste atinji saida ona, no saida maka sei presiza atu halo tan ba oin.
Liu husi dalan ne’e, feto hotu iha esperansa boot katak, timor-leste hamutuk liu-liu ho mundu internasional ne’ebé hamutuk iha planeta ida deit ita sei luta hamutuk hodi rezolve problema hirak nee.
Iha fatin hanesan, Prezidente Asosiasaun Emprezarial Muller Timor-leste, Herguia Luina Fernandes Alves haktuir, objetivu husi izistensia AEMTL nee duni atu luta ba independensia feto sira nia ekonomikamente.
“Ami hein katak, hanesan karlajet ne’ebé luta ona ba direitu ema traballador nian, ami mós iha luta ba garante partisipasaun feto nian iha oportunidade ekonomika sira hotu iha rai laran,” nia esperansa.
Nia informa, partisipasaun feto nian iha atividade ekonomia, mezmu ke iha regulamentu konstituisaun ne’ebé mak hatur ona direitu hanesan entre feto no mane, maibé iha implementasaun nia haree katak partisipasaun feto sei menus tebes.
“Tanba ne’e maka servisu ne’e sei boot no luta ne’e sei naruk, maibé ita atu luta ba duni igualidade partisipasaun entre feto no mane hanesan, nune’e mesmu partisipasaun ne’e barak sei menus tanba falta oportunidade, no mós falta informasaun, tanba entermus de kapasitasaun maka knaar organizasaun sira tenta atu kapasita feto maluk sira, atu iha kapasidade halo negosiu ou partisipa ativFiddae ekonomia.
“Maibé liga fila fali ba kapasidade neebe feto sira iha, sira presiza oportunidade hodi sira hala’o, ida nee maka sei falta tebes iha ita nia rai, mezmu ita dehan ita nia nasaun ne’e demokrasia, ita hotu tenki liga ba kompetisaun, maibé parte ida fo oportunidade ne’ebé maka hanesan entre feto no mane sei difisil tebes iha nia implementasaun,” hatoo nia
Ho ida ne’e mak, esforsu AEMTL nian nafatin halo advokasia, no dadaun ne’e AEMTL partisipa iha kordenasaun ho ministeriu sira u entermus folow up fila fali ba desklarasaun MAUBISI nian, atu bele hareee oportunidade ruma hatur kuota ruma ba partisipasaun feto nian iha parte ekonomia.
