Povu tomak fó ona sira nia direitu votu iha eleisaun parlamentar, sabdu ohin hahú iha tuku 7:00 madrugada horas Timor-Leste.

Tuir observasaun diario INDEPENDENTE katak, iha sentru votasaun balun sei kontinua vota, tanba kuantidade votante ne’ebé barak.  Maski nune’e la impede prosesu kontazen iha sentru votasaun sira seluk.

Tuir Diretór Jerál STAE, Acelino Manuel Branco hatete, horas remata prosesu votasaun diferensia tanba iha preparasaun sentru votasaun balu hala’o kedas iha tuku 5:00 madrugada, mai to’o iha tuku 6:00. Entretantu iha tuku 7:00 dader mak iha 843 sentru votasaun mak foin funsiona iha Timor-Laran tomak hahú hala’o atendimentu ba eleitor sira tuir orariu legal.

Sentru votasaun iha Timor laran tomak hamutuk 843, estasaun votu hamutuk  1.118  no total eleitores hamutuk 760.907.