Nia dehan, maske servisu kooperasaun entre Polisia Nasional Timor-Leste liu husi Unidade Espesial Polisia no FALINTIL-Forsa Defeza Timor-Leste, iha ona fronteira maibé tranzasaun kontinua buras, tanba liña fronteira medida boot tebes.
“Entaun atu resolve tranzasaun ilegal ida ne'e, tenke loke merkadu tradisional atu evita, signifika dala barak prende sira nia sasan ho kusto ne'ebé bo'ot, mais sira ba nafatin tanba nesesidade bázika mak obriga,”dehan nia ba Online INDEPENDETE, iha Postu Administrativu Balibo Vila, sabado horseik (15/10).
Nia hatutan, iha fulan hirak liu bá, Governu liu husi Ministru Negosiu Estranjeiru Indonesia hala'o ona enkontru ho Autoridade Munisipiu, hodi propoin atu loke merkadu tradisional.
Nia dehan, bainhira merkadu tradisional iha ona, komunidade sira mós la ba mai ona, tanba sasan hotu faan iha merkadu refere, maibé merkadu tradisioanla iha fronteira la iha, seguransa bele forte mós sira tenke bá, tanba nesesidade obriga.
Nia haktuir, iha merkadu tradisional ne'e sei la faan sasan ne'ebé lei bandu, faan deit mak sasan nesesidade bázika ka produtu lokal sira.
"Agora merkadu tradisional ne'e loke atu atende nesesidade bázika ba sidadaun sira nian, hodi evita tranzasaun illegal,” nia dehan.
Iha fatin hanesan, Komadante Unidade Patrullamentu Superintendente, Euclides Belo, hatete, hateten, tranzasaun illegal ne’ebé akontese iha tinan 2021 sa’e makas kompara ho tinan 2022 ho númeru menus.
“totál tranzaksaun illegal ne’ebé ami prende iha tinan 2021 ne’e barak tebes, liu-liu grupu arte marsiais ne’ebé halo graduasaun ba nasaun sorin, ne’ebé fila mai mak ami kaptura barak tebtebes, maibé iha tinan 2022 menus ona, tanba kaptura ema na’in haat (4) deit, signifika ita nia komunidade ne’e sivilizadu ona,” nia esplika.
Entertantu, sidadaun sira ne’ebé kontra regras sira ne’ebé estabelese iha liña fronteira, liu-liu movimentu ho illegal, UPF sei aplika sansaun hanesan kanta Inú Nasionál Pátria-Pátria hanesan edukasaun Polísia nian ho konsiente katak, kontinua hametin nafatin sentidu Nasionálizmu.
