Planu tama-sai kos ne’e inisia husi PNTL Dili no sei halo koordenasaun ho autoridade lokal, inklui Konsellu Polisiamentu Komunitariu hodi implementa.

Komandante Daruak PNTL Dili Superintendente Asistensia Euclides Belo hatete, planu ne’e halo tanba durante ne’e ema barak deskonfia hahalok immoral ne’e barak mak akontese iha kos.

“Ita sei koordena ho autoridade local, xefe suku, xefe aldeia, inklui ita-nia KPK ne’ebé tau ona iha suku, ita halo vizita tama-sai uma kos, banihra iha ema oin foun ruma husi foho mai hela kos asesu ba eskola, formasaun no buka moris nia tenke aprezenta nia an ba iha autoridade ne’ebé mak iha bairo laran, nune’e fasil ita kontrola sira,” esplika Komandante Daruak PNTL Dili ne’e iha nia knar-fatin, Tersa (13/08).

Nia husu mós ba inan-aman sira no komunidade tomak iha kapital Dili atu koopera no fasilita informasaun ba autoridade sira bainhira identifika ema oin-foun hela iha sira-nia bairru.

“Ami iha ona formatu ida, sei kordena ho autoridade lokal tama-sai uma, rejistu. Lei la bandu banhira ami halo vitiza tama-sai uma ba uma no sei fokus liu ba kos iha uma ne’e ema na’in hira tenke rejistu, (se rejistu) fasil ba ita kontrola.”