Tuir informasaun ne’ebé diáriu ne’e asesu husi Gabinete Prezidénsia Repúblika, planu konsultasaun ne’e sei hala'o iha 10 Novembru 2017, iha Palásiu Prezidente Nicolau Lobato, Bairru-Pité.

Prezidente Repúblika halo enkontru ho Bispu husi Dioseze Baukau, Dili no Maliana hodi rona sira-nia opiniaun relasiona ho situasaun polítika ne’ebé nasaun enfrenta, hafoin opozisaun iha Parlamentu Nasionál rejeita Programa VII Governu Konstitusionál.

Igreja Katólika nu’udar entidade ne’ebé iha papél importante iha prosesu luta ba ukun rasik-aan no kontinua signifikante iha prosesu konstrusaun nasaun Timor-Leste.

Prezidente Repúblika foti inisiativa rona opiniaun husi entidade hotu-hotu relasiona ho situasaun polítika ne’ebé nasaun enfrenta.

Prezidente Repúblika rona tiha ona opiniaun sira husi organizasaun sosiedade sivil, konfesoens relijioza no sei kontinua halibur ideia sira husi entidade oioin hodi buka solusaun polítika ne’ebé di’ak-liu ba Timor-Leste.