"Fulan Fevereiru ha'u tenke dekreta kalendáriu eleisaun parlamentár, mínimu tenke loron 80 antes dekreta ba data eleisaun. Ha'u la hatene loron saida maibé fulan-Fevereiru. Ha'u tuir de'it kalendáriu 2018 nian," dehan PR Horta, iha Instítutu Superior Cristal (ISC)-Balidé, horisehik.
Kona-ba Timor-Leste nasaun ho populasaun liu tokon ida de'it partidu barak loos, Horta hatete, partidu barak tanba hotu-hotu hakarak hetan kadeira, depois husu tau ministru ida, asesór depois ba litik Avo Nana, avo Marí Alkatiri, hakarak apoia tenke fó pasta ba sira.
Mezmu kadeira lima de'it, balun hakarak Vise-Primeiru Ministru kedas. Hakarak Ministru Interiór lori asesór lubuk ida tuur iha varanda bilan hela.
Kona-ba, partidu hanesan Amérika nian, Horta hatete, di'ak liu ka di'ak liu Koreia Norte nian, partidu laiha eleisaun prezidente manan kedas.
Molok ne'e, Prezidente Repúblika, José Ramos Horta, hala'o ona enkontru ho órgaun eleitorál Komisaun Nasionál Eleisaun (CNE) hodi ko'alia kona-ba eleisaun prezidensiál 2022-2027 liu ba no preparativu ba eleisaun parlamentár 2023.
Prezidente CNE, José Agostinho da Costa Belo CNE hatete, mai fó hanoin ruma liu-liu kona-ba Eleisaun Prezidensiál ne'ebé liu ba, no preparasaun ba Parlamentár ne'ebé sei mai.
