Diretór Ezekutivu Asosiasaun Defisiénsia Halibur Matan Timor-Leste (AHMDTL), Gaspar Afonso hateten, aprejenta ona Bill of Quantity (BoQ) ba Prezidente Repúblika, José Ramos Horta, ne’ebé hatudu prontidaun atu buka dalan ba dorbitóriu AHDMTL sira.

“Xefe Estadu mós prontu atu buka dalan ba ami-nia dormitóriu ba feto no mane,” dehan nia, iha Palasiu Prezidensiál Bairru-Pité, horisehik.

Nia dehan, ema sira ne’ebé AHDMTL halibur daudaun ne’e la’ós iha Dili laran de’it, maibé sira ne’ebé husi munisipiu mós, maibé ne’e seidauk másimu. Espera oportunidade hirak ne’e bele halo netik buat ruma ba maluk defisiénsia sira.

“Dezafiu mak ami fatin permanente seidauk iha. Fundu permanente ba ami seidauk iha. Tinan-tinan husi governu ladun tau prióridde, entaun ho oportunidade ne’e ita bele ko’alia ba governu atu governu bele tau seriedde ba asuntu ema ho defisiénsia,” dehan nia.

Tanba ema ho defisiénsia la’ós númeru uitaun, 38.118, bainhira setór sira relevante ne’e la tau atensaun halo didi’ak númeru ema o defisiénsia ne’e sei aumenta.

Entaun, govenu tenke haree ida ne’e ona tenke kolabora didi’ak ho ami organizasaun sira hanesan defisiénsia sira, tinan ne’e labele halo buat barak tanba orsamentu ba ema ho defisiénsia matan hetan husi MSSI ne’e kiik entaun fahe ba organizasaun 29 la to’o.

Nune’e, dadus ema ho defisiénsia matan iha Timor bazeia ba sensu 2015 hamutuk 14.828, seidauk akumula hotu tanba fatin la to’o.