Kordenador Forsa Tarefa ba Prevensaun no Mitigasaun Surtu Covid-19 Dr. Rui Maria de Araujo informa katak, hafoin deteta ema na’in rua iha domingu kalan, nune’e ohin loron tomak ekipa saude buka tuir ema ne’ebé halo kontaktu besik ho ema ne’ebé hetan positivu Covid-19 hodi halo teste swab deteta tan kazu foun na’in neen iha BTN 2 Tasi-Tolu no husi teste swab ne’e deteta mós na’in ida iha Bebonuk.
“Ita deteta tan kazu neen husi ema kontaktu besik ho kazu rua ne’ebé positivu Covid-19, no ekipa saude halo mós rastreiu bai ha fatin risku balun iha Bebonuk nune’e deteta mós positivu na’in ida,” dehan nia Konferensia Imprensa, iha CCD (8/3)
Nia hatuta, ekipa konjunta saúde buka tuir nafatin ema ne’ebé halo kontaktu besik ho ema ne’ebé positivu Covid-19 iha area Bebonuk, nune’e ekipa hasai ona amonstra ba ema hamutuk 55 no ekipa nafatin halo Sceening ba fatin balun ne’ebé kazu positivu sira durante servisu ba,no rekolla ona amonstra porvolta 300 ohin kalan Laboratorium Nasional sei halo analiza ba amostra sira ne’e hafoin aban bele rona nia rezultadu.
Tuir dadus Kazu foun hamutuk na’in 7 no pasiente Covid-19 atual baixa iha sala izolamentu Vera Cruz hamutuk na’in 35.
