Sekretariu Ezekutiva PNDS, Claudinha Soares Pinto hateten, kona-ba Sede Suku ne’ebé komesa reabilita ona iha tinan 2021 hamutuk 150 iha tinan kotuk aloka tan orsamentu ho montante rihun $400 iha territoriu laran tomak.
Sede suku iha Timor laran tomak hamutuk 442 ho suku foun 10, maibé hela deit sede suku 40 mak presiza halo reabilitasaun tinan ida ne'e.
"Iha tinan ida ne'e ita aloka orsamentu ba suku hotu, espera katak ita bele hahú halo reabilitasaun iha tempu badak," dehan nia ba Jornalista INDEPENDENTE foin lalais.
Nia haktuir, komitmentu husi VIII Governu Konstituisional katak, molok mandatu remata tenke aloka orsamentu ba suku hotu-hotu hodi halo reabilitasaun ba sede suku.
Tuir istimasaun orsamentu ba kada sede suku sei rehabilita ho orsamentu masimu millaun $12.
Kona-ba sede suku foun 10 ne'ebe governu hamosu la halo reabilitasaun, tanba suku 10 ne'e mai ho pakote konstrusaun suku nian.
