Prezidente Parlamentu Nasionál, Arão Noé de Jesus hatete, sei iha hela tempu resesu laran, tanba ne’e seidauk halo apresiasaun, maibé sei halo reuniaun iha lider bankada depois maka haree.

“PN ne’e órgaun kolejiál, desizaun hotu-hotu koletivu, la depende ba Prezidente Parlamentu, maibé buat hotu plenária maka sei deside”, dehan nia, iha Uma Fukun PN, horisehik.

Lei rua ne’ebé Prezidente Repúblika veta, tuir Konstituisaun RDTL fó tempu ba PN loron sianulu (90) nia laran hafoin halo apresiasaun.

Nia dehan, iha opsaun tolu ne’ebé presiza halo, dahuluk: konfirmasaun votu, daruak: halo alterasaun ba lei sira ne’e hanesan lejizlasaun foun, datoluk: bele rai tiha depois Governu maka rezolve liuhusi lei númeru 1/2019 primeira alterasaun ba Lei Atividade Petrolíferu.

Iha opsaun tolu ne’e di'ak hotu, maibé ne’e kabe desizaun plenária no bankada sira nian no mós governu hanesan autór ba lei rua ne’e ninia opsaun ba lei ne’e saida.