Prezidente PN, Arão Noe de Jesus hatete, Komisaun Espesializada sira halo ona marka audiénsia ho ministériu sira kompleta ona loron 6, ne’ebé termina iha Tersa (22/8).

“Ita sei hala’o debate iha OJE iha Jeneralidade no Espesialidade”, dehan nia, iha Uma Fukun PN, Sesta (24/8).

Tuir giaun, ba debate OJE 2018 ne’ebé deside iha reuniaun lider bankada nian Kuandu debate iha jeneralidade, espesialidade no finál globál remata tuir tempu ne’ebé determinadu, hahú husi ne’e sei prepara redasaun finál remata posibilidade iha loron 10 Setembru bele submete kedas ba Prezidente Repúblika atu promulga.

Iha fatin hanesan, Prezidente Komisaun C PN, Maria Fernanda Lay hateten, relatóriu pareser komisaun espesializada sira nian ne’ebé hala’o audiénsia ho ministériu sira prepara hela kuandu remata sei entrega ba iha Prezidente PN.

“Nune’e iha segunda agora ne’e ita tama ona ba diskusaun iha Jeneralidade”, dehan nia.

Parlamentu Nasionál (PN) liu husi komisaun espesializada sira, Kuarta (15/8), hahú marka audiénsia ho membru governu sira atu diskute kona-ba orsamentu kada ministeriál.

Nune’e, antes ne’e, Parlamentu Nasionál liu husi plenária aprova karakter debate ba proposta lei Orsamentu Jerál Estadu (OJE) 2018 ho karakter urjénsia.