PN Autoriza PR Dekreta EE ba Dala-18 Featured

By Gregorio da Costa2 Setembru 28, 2021 293
Parlamentu Nasional halo diskusaun ba renovasaun estadu emerjensia. Foto:Dok. Parlamentu Nasional halo diskusaun ba renovasaun estadu emerjensia. Foto:Dok.

DILI: Parlamentu Nasionál (PN) tersa ne’e (28/09) autoriza ona Prezidente Repúblika atu dekreta tan Estadu Emerjénsia ba dala-18 iha territóriu nasionál, hahú iha oras 00:00 loron 30 fulan-Setembru no sei termina iha oras 23:59 loron 29 fulan-Outubru tinan 2021.

Enkuantu, renovasaun estadu emerjensia ho votu a-favor 39, kontra 0 no abstensaun 8.

“Nune’e ei autorizasaun estatadu emerjénsia aprovadu, espera Governu implementa ho di’ak. Tanba ne’e husu Governu hasa’e kobertura renovasaun estadu vasina nian, komunidade presiza kolabora ho parte saúde tanba imunidade mak bele salva ita hosi Covid-19,”dehan  Prezidente Parlamentu Nasional, Aniceto Longuinhos Guterres liu husi plenaria iha Parlamentu.

Entretantu, razaun Prezidente Repúblika husu autorizasaun ba Parlamentu Nasionál tanba haree ba situasaun Covid-19 iha Timor-Leste kada loron rejista.

Nune’e, tuir dadus husi SIJK hahú inisiu Timor-Leste rejista kazu positivu Covid-19 to’o loron 27 fulan-Setembru hamutuk 19.382.

Ho nune’e, tuir dadus mundiál ne’ebé anunsia husi Organizasaun Mundiál Saúde (OMS) rejista kazu konfirmadu hamutuk 232.000.000 no ema ne’ebé mate ho Covid-19 iha 4.760.000.

Mensajen Prezidente Repúblika Francisco Guterres ‘Lú Olo nian, propoin ba Parlamentu Nasionál atu halo estensaun estadu emerjénsia ba loron 30 tán iha territóriu nasionál ho parsialmente suspende sirkulasaun internasionál, liberdade sirkulasaun, direitu reuniaun no manifestasaun, liberdade kultu, inklui limita no proibisaun realizasaun selebrasaun relijioza.

 Nune’e mós direitu ba edukasaun inklui halo suspensaun temporária ba prosesu no atividade ensinu aprendizajen ho rejime prezensiál, direitu propriedade no inisiativa ekonómika privada.

Enkuantu, ba direitu rezisténsia sira sei impede husi autoridade públika bainhira sidadaun sira la kumpre medida ezekusaun.

Rate this item
(0 votes)

Independente Digital TV

Tuir ami iha Twitter

Kalendariu Notisia

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31