PN aprova unanimidade ba Projetu lei baze edukasaun iha finál globál

Marsu 10, 2026

Nasional

PN aprova unanimidade ba Projetu lei baze edukasaun iha finál globál ^Featured

By Ekipa INDEPENDENTE Marsu 10, 2026 141

Deputadu sira aprova Projetu lei baze edukasaun iha finál globál. FOTO: Media PN.

DILI: Parlamentu Nasionál, liu husi sesaun plenáriu ordináriu horseik Deputadu sira aprova iha final global ho votus unanimidade ba projetu Lei nº 8/VI(2ª)-Lei Baze ba Edukasaun Pré-eskolar, Ensinus Básikus, no Sekundáriu, Mobilidades Especiais ba Edukasaun Eskolar, Edukasaun Extraeskolar no Formasaun Profissional.

Nune’e mós revoga Lei nú 14/2008, loron 19 fulan outubru-Lei Baze Edukasaun, ho votu a-favor 56, kontra 0, no abstensaun 0.

Depois aprovasaun, Ministra Edukasaun, Dulce de Jesus Soares hateten, lei ne’e liu husi prosesu ida naruk, Ministériu Edukasaun hamutuk ho Komisaun G hala’o diskusaun no apresia ba Projetu Lei refere no ba prosesu debate ne’ebé lao ho diak,

“Hau hakarak hato’o hau nia apresiasaun boot teb-tebes ba Prezidente Komisaun G ho membru sira hotu ho pasiensia tebes ho dedikasaun tomak ho atensaun no ho paixaun tomak ba edukasaun, hatudu duni valor ida ne’ebé hakarak lori edukasaun ba oin. IX Governu Konstitusionál nia kompromisu maka ‘labele husik labarik ida iha kotuk’, ho ida ne’e, Ministeriu edukasaun kontinua buka meius hotu-hotu tuir evolusaun edukasaun iha mundu ne’e atu estudante hotu-hotu bele hetan susesu escolar” Dehan Ministra, liu husi komunikadu ne’ebé Media INDEPENDENTE asesu husi Média-PN, Tersa (10/03).

Rate this item

(0 votes)