Primeiru Ministru Taur Matan Ruak hatete, kompleta tinan ida Timor-Leste infelismente hetan mate primeira vitima tan Covid-19.
Ba matebian sira hotu ne’ebé iha Timor-Leste ultrapasa kuaze millaun 2, ba familia sira hotu espera katak maromak simu sira iha fatin kmanek deskansa internamente.
“Ha’u hakarak lori governu no ha’u nia naran rasik manifesta profunda kondolensia ba familia vitima timor-oan ne’ebé mate iha horseik,” dehan PM iha nia diskursu iha serimonia lansamentu ba vasinasaun Covid-19, iha Sentru Saúde Formosa, (07/04).
Ba sira hotu ne’ebé afetadu, infetadu iha Timor-Leste no fatin hotu iha mundu hodi ultrapasa bai ha 120 milioens espera katak sira bele rekupera atu hodi normaliza sira nia familia iha vida moris.
Iha fulan ikus Dezembru tinan 2020 kazu Covid-19 iha Timor-Leste sa’e makas, no iha fator rua ne’ebé kontribui makas mak aumenta grafikamente numeru Covid-19 iha nasaun viziñu Indonezia liuliu NTT.
Pasajen ilegais sira husi fronteira hodi lori moras ne’e mai iha Timor-Leste.
“Faze inisial iha faze importasaun nia tama iha segunda faze ba iha kontajiu lokal no iha momentu ohin ita bele dehan iha dezastre naturais iha ona faze kontajiu komutaria no ita labele nega situasaun ne’e,”tenik nia.
Entretanto, Timor-Leste rezista kazu mate tan Covid-19 nai’in ida iha loron 6 fulan abril iha sala izolamentu Lahane.
Kordenador pilal VII, Nilton do Carmo hatete, ohin dader oras tuku 7 liu minutu 10 iha timor rezista kazu ida mate tan covid-19.
"Iha istoria badak ida kona ba ita nia maluk feto ida neebe hakotu nia iss, ho idade tinan 44, ita deteta kazu iha loron 24 fulan marsu no ita halo teste swab iha loron 23 fulan marsu, hafoin ita lori ba iha izolamentu tasi tolu no iha loron 24 lokraik ita nia saude deteta nia hetan sintomas, "dehan nia iha Izolamentu lahane (06/04).
Pasiente ne’e kauza husi moras rins (gagal ginzal kronis).nunee ohin dader maluk ne’e hakotu nia is.
Ho nune’e matebian halot ona iha semiteriu Covid-19 iha Metinaro.
Jornalista: Saturnina da Costa
Editor: Jose Sarito Amaral
