Ho nune’e Xefe Governu ne’e lori VIII Governu Konstituisionál nia naran hato’o agradesementu ba Prezidente Parlamentu Nasionál (PPN) no deputadu husi bankada governu no opozisaun nia apoíu.
“Ha’u hakarak lori VIII governu nia naran agradese ba exelénsia Prezidente Parlamentu Nasional meza Parlamentu Nasional no deputadu sira tomak espesiál ba bankada governu nian ne’ebé apoiu governu,”dehan Primeiru Ministru ba jornalista hafoin debate OJE 2020 remata, Kinta (08/10).
Maski opozisaun hiit karta mean ba OJE 2020, Xefe Governu fó saudasoens espesiál ba partidu opozisaun ne’ebé durante ne’e fó kontribuisaun di’ak loos.
Governante ne’e dehan, programa prioridade ida bo’ot maka planu rekooperasaun ekonómiku uir valor osan tokon $113 ne’ebé sei ba diresaun populasaun einjeral no emprezáriu sira traballadór formal no non-formal.
Tanba ne’e, governu sei serbisu maka’as ba implementa programa ne’e iha kurtu prazu fulan rua nia laran tanba nia kontinuasaun sei mai iha tinan 2021.
Proposta lei Orsamentu Jeral Estadu (OJE) aprovadu ba tinan fiskál 2020 ho montante bilaun $1.4.497,1.
Husi montante kompostu husi Saláriu no vensimentu tokon $206.7 bens no servisus $499,3 tranferénsia públiku milaun $568, 7 kapital menor milaun $8.9 kapital dezemvolvimentu tokon $ 213,4
