Deputada Carmelita Moniz husi bankada CNRT hateten, tuir CNRT nia hare’e orsamentu Jeral Estadu (OJE) ba tinan 2020 ida ne'ebé maka governu foti nia montante bo’ot liu duké kapasidade guvernu nian atu ezekuta tanba hela de'it fulan 2 maibé efetivamente hela de'it fulan ida ba governu atu halo ezekusaun tanba iha 15 Outubru agora guvernu tenke lori fali ona Orsamentu Jeral Estadu (OJE) ba tinan 2021.
"Entaun sera que governu iha kapasidade atu ezekuta $500 ka $600 itál miloens ne’e, ida ne’e maka ami nia preokupasaun, nusa mak osan sira ne'e la rai para labele hamenus nia funan iha fundu petrolíferu" dehan nia iha PN, Ohin (08/10).
Nia afirma husi totál OJE ba tinan 2020 ne’e $1.4 billoens, governu foin ezekuta de'it 50% no seidauk too 60%, signifika katak sei iha osan restu kuaze $500 ka $600 itál miloens.Opozisaun fó hanoin atu uza de’it osan restu ne’e hotu tiha lai maka husu fali Orsamentu Jeral Estadu (OJE) ba tinan 2021 maibé sira maioria ne’ebé halo konforme sira nia hakarak.
