Planu INSS Sei halo Pagamentu ba Idozus-Difesensia Kada Fulan Tolu Featured

By Ivonia Varela Fevereiru 16, 2024 6874
Prezidente Konsellu Administrasaun Institutu Nasional Seguransa Sosial  (INSS) Arlindo Pinto. Foto:Media MSSI. Prezidente Konsellu Administrasaun Institutu Nasional Seguransa Sosial  (INSS) Arlindo Pinto. Foto:Media MSSI.

DILI: Hafoin simu pose, Prezidente Konsellu Administrasaun Institutu Nasional Seguransa Sosial  (INSS) Arlindo Pinto hatete, INSS halo ona kalendáriu atu halo pagamentu ba befisiáriu husi idozus-difisiensia kada fulan tolu dala ida, maibé sei iha faze diskusaun.

“Durante ne’e ita-nia planu tuir aprovasaun husi Parlamentu Nasional (PN) anualmente ita halo pagamentu dala rua, depois ha’u tama ami koko ona halo kalenderizasaun ida atu bele halo pagamentu husi fulan tolu no alternativu ida seluk mak fulan haat dala ida,” dehan Prezidente INSS Salaun MSSI Kaikoli, Sesta (16/02).

Nia afirma, provizoriomente INSS sei kordena hela ho entidades hotu-hotu ne’ebé mak toma responsabilidade hodi halo pagamentu, hanesan Banku Nasional Komérsiu Timor-Leste (BNCTL) maibé provizoriomente iha hela faze diskusaun.

Nia dehan, Mosan ne’ebé durante ne’e halo pagamentu ba Bolsa da Mae-Jerasaun Foun ne’e sei halo diskusaun, INSS seidauk iha intendimentu, maibé fiar katak iha tempu badak sei iha intendimentu atu fornese ona konaba dadus inklui kalenderizasaun ba entidades ne’ebé nu'udar responsabilidade ba pagamentu befisiariu idozus-difesensia.

Enkuantu, dadus befisiariu idozus iha tinan ida ne’e ba faze dahuluk hamutuk rihun 99 no difesensia rihun 12. No orsamentu ne’ebé preve hodi halo pagamentu ba benifisiariu sira $43 milloens.

Rate this item
(1 Vote)

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30