Aleinde, halo mós lansamentu ba relatoriu avaliasaun kona-ba esforsu prevensaun hodi  elimina violensia hasoru feto no labarik feto.

Tuir Diretora Nasional Plan Internsional Timor-Leste, Dilyana Ximenes, hateten, lansamentu ne'e hanesan rezultado ida husi PITL nia servisu, kona-ba implementasaun programa no koñesimentu dezenvolvimentu nian kona-ba prevensaun abordazen sira ho kompromisiu atu prevene violensia hasoru feto no labarik feto.

No mós ho akordu estratejiku nasional abrajente ida kona-ba komportamentu ne'ebé muda ho modelu ekolojiku.

“Rezultadu husi relatorio ne'e, iha kolaborasaun ho autor xave sira kona-ba prevensaun violensia hasoru feto no labarik feto sira husi organizasaun sosiedade sivil no parseiru governu iha Timor-Leste,” dehan nia iha Hotel Timor, tersa nee (22/02).

Aliende ne'e, relatoriu ne'e mós deskobre katak laiha definisaun ne'ebé klaru kona-ba prevensaun, no utulizasaun dokumentu prevensaun nian ne'ebé lahanesan ba ator prevensaun sira nu'udar rezultadu mensajem sira ne'ebé fahe, atu labele hamosu konfuzaun ba komunidade sira kona-ba sentidu no uza liafuan ne'e nian nomós sujere atu define prevensaun tuir kontestu global no lokal, hamutuk ho dokumentus prevensaun hotu iha nasaun ne’e.

Iha tempu hanesan, IPTL mós lansa plataforma online ida ne'ebé esesivel ba prevensaun violensia hasoru feto no labarik feto sira iha Timor-Leste.

Tuir nia, plataforma ne'e dezenvolve atu rai no fahe dokumentus nasional prevensaun nian hotu, ne'ebé foti husi atividade prevensaun sira nian, manual ida ne'ebé utiliza ba formasaun prevensaun nian, mapeamentu servisu prevensaun nian no rekursu prevensaun nian no sira seluk.

"Relatoriu ne'e serve hanesan referensia no inklui pratika diak sira ba implementasaun estratejiku servisu prevensaun nian no atu deskobre lakuna sira hodi dezenvolve rekomendasaun ba instituisaun governu sira, liu-liu Sekretaria Estado Igualidade no Inkluzaun (SEII), organizasaun sosiedade sivil sira, ONG nasional no internasional sira ne'ebé servisu kona ba prevensaun violensia bazeia ba jéneru. hodi bele hadia mekanismu ida ne'ebé efetivu hodi implementa estratejiku atu hapara violensia kontra feto no labarik feto,"tenik nia.

Enkuantu, relatoriu no plataforma online ne'e hetan aprovasaun husi Sekretariu Estado Ingualdade no Inkluzaun (SEII) no funsiona nu'udar fonte kredivel sira ba prevensaun nian atu dezenvolve programa prevensaun kontestual ida ne'ebé abranjente no kontestual ne'ebé uza modelu ekolojiku no respeitu hodi garante katak mensajem sira ne'ebé atu fahe ne'e lao tuir liña.

Iha fatin hanesan, Sekretaria Estado Igualidade no Inkluzaun (SEII), Maria José da Fonseca, hateten, lansamentu relatoriu ida ne'e, konsidera hanesan estratejia ba prevensaun nasional no plataforma online ida ne'e, sei kontribui konkretamente hodi luta hasoru violensia bazeia Jéneru.

"Violensia kontra feto mak violensia kontra sosiedade tomak ho nunee sosiedade hotu tenki involve no hasoru hodi hapara ida ne'e,”dehan SEII.

Tanba nee, SEII mós halo esforsu hotu hodi halo nafatin advokasia iha instituisaun sira governu nian no mós ho entidade tomak hodi kria mekanismu servisu oin-oin hodi bele implementa programa no atividade sira ba elimina ka halakon violensia hasoru feto no labarik feto sira iha iha Timor-Leste.