Provedoria Jesuina Maria Ferreira Gomes hatete, PDHJ indentifika fatin ne’ebé mak autoridade sira halo koberansa ilegal ne’ebé komunidade sira ba halo tratamentu sefe da familia, mak hanesan iha RAEOA iha suku Cunha, iha Munisipiu Bobonaro iha Suku Halomea ho Karabau,  Iha Same suku Daisua, iha Munisipiu Dili, iha Suku Camea no mos Suku Vila-Verde.

Nia dehan, kuantidade ne’e varius halo sikuenta sentavu ($0.50), balun $1 to’o $5.

Nia dehan, tanba ne’e PDHJ halo kedas karta ba iha Ministériu Administrasaun Estatal atu foti medida ho lalais kona-ba asaun sira ne’ebé lider komunitariu sira halo tanba to’o agora seidauk iha previzaun iha regra ka lei ruma ne’ebé fó kompitensia poder ba xefe suku no xefe aldeia sira atu halo koberansa.

“Sei iha lei ruma ka regra ruma hakerek katak sira iha poder ruma sira atu halo koberansa ne’e legal, maibé kuandu laiha previzaun ruma ne’e ita konsidera ilegalidade,”

Nune’e, iha karta husi PDHJ nian ne’e Ministériu Estatal responde katak sira atu foti medida ho lalais atu verifika informasaun iha terenu.

Nia esplika, atu sira husi lider komunitariu sira ne’e PDHJ haree husi ilegalidade katak laiha lei ruma mak regula ka kosidera hanesan ilegalidade batu sira ne’e mos iha responsabilidade kriminal.

Tanba ne’e, Ministériu Estatal indentika iha evidensia forte ba atu sira ne’ebé komete husi lider sira tenke halo partisipasaun ba Komisaun Anti Koroupsaun (KAK) ka Ministériu Públiku.