Deputada PD, Shanca Margarida Tilman hateten, hato'o idozu sira nia preokupasaun sira husu Governu  konsidera sira nia diretu bá osan idozu ne'e bele simu kada fulan-fulan hodi bele sustenta sira nia nesesidade loro-loron

Nia dehan, prosesu pagamentu bá diretu idozu sira nian ita hatene katak iha fulan ida-ne'e inisíu hosi inplementasaun bá planu orsamentu sira ne'ebé konstala orsamentu jerál estadu (OJE) 2024 ne'ebé aprová ona iha tinan 2023.

"Maluk idozu sira hato'o sira nia preokupasaun kona-bá pagamentu idozu nian ne'ebé durante ne'e sira simu kada fulan neen ka tinan ida dalarua," dehan Shanca, iha plenaria PN, horisehik.

Nia hatutan, idozu  sira mós aprezenta, sira-nia nesesidade hanesan mós ema sira seluk, nune'e sira husu atu sira-nia diretu bá osan idozu ne'e atu bele simu fulan-fulan hodi sustenta sira nia nesesidade loro-loron

"Iha parte seluk sira mós hato'o katak nia diretu bá idozu ne'e simu hanesan baibain kada fulan neen ka tinan ida dalarua maka bainhira maluk idozu sira ne'ebé mate molok fulan neen maka sira sei lakon sira nia diretu bá pagamentu idozu ne'e," katak nia.

Molok ne'e, Ministra Solidareidade Sosial no Inklusaun (MSSI) Veronica das Dores hateten, Orsamentu Jeral Estadu (OJE) iha tinan 2024 preve  rihun $20.562.537 ba  ,bens servisu, transferensia publiku no kapital menor.

Salariu bensementu ho montante $3.778.298,  salariu bens servisu ho montante $7.199.897, transferensia publiku montante $ 8042.777, kapital menor montante $ 428.000 no kapital desenvolvementu ho montante $1.113.565.

"Iha tinan 2024, planu ministeriu nian mak atu implementa  programa  funsionamentu desenvolvementu no inklusaun sosial," dehan nia iha PN, segunda (18/12).

Nia haktuir, planu seluk mak halo diskusaun kona-ba osan oinsá atu aumenta  ba  idozu sira iha Munisípiu sira hotu, maibé idozu balun  ho idade 115 to'o 120  anus.

"Tanbá ne'e, idozu balun atu mate,  ho hanoin atu halo pagamentu iha kategoria tolu hanesan  idozu  idade 60 ba leten sei simu subsidiu $60, idozu ho idade 70 ba leten sei simu subsidiu   $80 no ba idozu ho idade 80 ba to'o leten sei simu subsidiu $100", nia esplika.

Nia haklean, iha OJE tinan 2024 preve ona kona-ba idozu ho idade ne'ebe atu simu osan ne'e seie indetifika ho idade 60 to'o 80 sei simu subsidiu $60 to'o $80 ho idade 80 to'o 100 sei simu subsidiu $100 dolar.

"Pagamentu idozu ho ema ho defisiensia simu simu subsidiu tinan ida dala rua, sira simu netik bainhira maromak determina nia  vida remata  no sira hetan netik osan ne'e", nia hato'o.