Koordenadór Forsa-Tarefas ba Prevensaun no Mitigasaun Surtu Covid-19 iha Timor-Leste, Rui Maria de Arauju hatete, matebian ne’e mane ida, ema Timor-Oan ho idade tinan 60, nia moras durante semana 1 iha uma, hafoin ba Óspital Nasionál Guidu Valadares (HNGV) iha loron 18 fulan-Maiu tamba iis-boot maka’as, diagnostikadu ho sindroma insufisiénsia respiratória aguda (SIRA), ka susar atu dada-iis no deteta mós SARS-CoV2 ho Cycle Threshold (CT) N gene 26,6, E gene 25,1.
Matebian iha istória Tuberkuloze ho diabetes ne’ebé la kontroladu.
“Hahu kedas iha loron 18 maiu halo tratamentu iha fatin izolamentu Vera Cruz ho oksijéniu liu husi CPAP (Continuous Positive Airway Pressure) iha ICU, maibé ohin (19/05) dader oras tuku 09:45 iis-kotu, tanba fallansu respiratóriu (respiratoricfailure) ho multiple organ failure,”dehan nia liu husi komunikadu kuarta ohin.
Tanba ne’e familia kordena ona ho ekipa Sentru Integradu Jestaun Krize atu hala’o funerál ba matebian, tuir protokolu ne’ebé iha.
Entretantu, tuir dadus ema ne’ebé mate ho Covid-19 iha na’in 10 no na’in 1 mate tan Covid-19.
Enkuantu husi numeru ne’e iha mane na’in 8 no feto na’in 3.
Asistente Editor: Saturnina da Costa
