Pasaporte 20.650 iha ona Natoriadu Mas Seidauk Atende Ema Featured

By Martinha Gusmão Janeiru 17, 2024 1937
Pasaporte. Foto:Dok. Pasaporte. Foto:Dok.

DILI: Diretór Jeral Servisu Rejistu Notariadu, deklara katak, kaderneta pasaporte hamutuk 20.650 iha ona Diresaun Servisu Rejistu Notariadu Ministeriu Justisa (MJ). Maski nune'e, seidauk bele halo atendimentu ba publiku tanba sei hein lansamentu ba sistema online.

Diretor Jeral Notariadu, João Fernando Martins Borges hateten, ministeriu justisa organiza hela atu hakat ba atendementu liu-husi ajendamentu online.

"Ita seidauk loke atendimentu ba publiku, sei hein lansamentu ba sistema online. Publiku bele aplika online husi uma, la presiza mai forma hanesan ita boot sira kestiona beibeik, komunidade sidadaun rekerente sira bele aplika mai iha website ne'ebe tékniku sira prepara, depois lansamentu publiku bele asesu," dehan nia, iha knaar fatin, Bebora, horisehik.

Ezemplu sira nesesidade atu trata pasaporte ne'e, aplika ba pasaporte no trata ba biletin indentidade aplika mai BI nian no mos rejistu kriminal ho sentidaun moria. Tanba Iha modolu haat ne'ebe MJ sei aplika  uluk no haree katak servisu husi parte ida ne'ebe rekerente barak entaun  uza uluk ida ne'e.

Tuir nia, dahuluk hahu husi Munisipiu Dili, maibe munisipiu sira seluk haree nia andamentu ba oin, maibe kona-ba atendimentu ne'e nafatin, tuir kalku Ministeriu Justisa nian kada loron simu ema 140. Ema ne'ebe aplika husi numeru 1 to'o 70 ne'e mai tempu dadeer,  71 too  mai 140 sei mai tempu lokraik. Depois to'o ona iha numeru ne'e sistema sei taka aan no sira ne'ebe aplika ne'e sei mai loron tuir mai.

João esplika, sistema online ne'e hodi muda formatura ba sistema online, maibe pagamentu nafatin, atendimentu urjente US$ 100, loron tolu (3) US$ 75 no semana ida US$ 50.

"Instituisaun governu mos liu husi aplikasaun online, ami dezeña hotu ami sei manda ba kada instituisaun atu sira bele aplika liu husi sistema, maibe ita hein deit nia lansamentu, kona-ba aplikasaun sira ne'e, liu husi telefone, bainhira sira atu mai trata pasaporte nia tenki iha dokumentus kompletu tuir rejitu ne'ebe iha," dehan nia.

Rate this item
(0 votes)

Independente Digital TV

Tuir ami iha Twitter

Kalendariu Notisia

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31