Sekretariu Jerál Partidu Demokratiku, António da Concencão dehan, asaun politiku ne’ebé mak Partidu Demokratiku hola iha palku politiku iha Parlamentu Nasionál, Partidu Demokratiku defende prinispiu, maibé mós PD sai mós eskola ida ba partidu sira seluk.

Tanba Partidu Demokratiku iha nia konsistensia iha nia politika hodi hamriik nafatin nuudar partidu ida. Maibé Partidu Demokratiku mós hola nia prinsipiu respeita liberdade espresaun. respeita diferensia no hanoin.

Kuandu Partidu Demokratiku respeita hanoin no opiniaun ne’e la demonstra Partidu Demokratiku ne’e iha rua, maibé Partidu Demokratiku iha ida deit.

Asaun Politiku Partidu Demokratiku, halo ba Estadu ho diferensia hanoin, maibé la fahe Partidu.

“Iha diferensia hanoin ne’e atu hatudu katak Partidu Demokratiku iha maturidade  atu halo diferensia, diferensia sira ne’e atu kontribui ba buat ne’ebé mak ida deit vida nasaun nian,”nia dehan.

Nia adianta, Partidu Demokratiku halo ona tinan 19 hamriik iha periodu restaura Independensia, Partidu Demokratiku mós partidu entre partidu hotu ne’ebé mak agora dadauk iha Parlamentu Nasionál só FRETILIN ho Partidu Demokratiku mak asina Konstitusaun Repúblika Demokratiku Timor-Leste.

Tanba ne’e Partidu Demokratiku hola tiha pozisaun sei hamriik nafatin hodi dinamiza politika iha Parlamentu Nasionál.

Atuál Prezidente Bankada dehan, diferensia ne’ebé halo hamosu problematika iha partidu, tanba nu’udar Sekretáriu Jerál no Prezidente Bankada foti responsabilidade ba limitasaun ida ne’e.

Iha biban ida ne’e, Kalohan mós akresenta, Partidu Demokratiku nia tinan ohin ba loron 19 ne’e hamutuk estrutura tomak hakruuk ba eroi sira hotu ne’ebé mak mate tiha ona,  hakruuk ba Fernando  La Sama de Araujo nuudar primeiru Prezidente Partidu Demokratiku.

Partidu Demokratiku hotu nian, Partidu Demokratiku ba prezente no Partidu Demokratiku ba futuru.