Arbitru dirije finál jogu desportivu CPLP, deside ba sutu drama penalidade, hafoin jogu tempu normál Ekipa Selesaun Angola ho Ekipa Selesaun Cabo-Verde impata ho escore 1-1.

Golu hatama husi Cabo-Verde, jogador Jadilason ho numeru komizola 11, iha minutu  78, enkuantu Angola husi jogador João ho numeru kamizola 8, iha minutu 84.

Hahú inisiu jogu, bainhira arbitru fo sinál jogu, ekipa rua hala'o jogu tuir  ida-idak nia matenek no desizaun tuir tátika ne'ebé iha, hodi lori vitória ba ida-idak nia ekipa.

Jogu entre ekipa rua ne'ebé kuidadu tebes no disipliña, dudu  bola husi ain-ba-ain, hodi buka oportunidade ruma hodi bele rezulta golu, maibé Angola ne'ebé mai ho estílu jogu husi ain-ba-ain ho distánsia besik malu, tanba ne'e konsege lansa sutu balun, maibé sei antisipa ho di'ak husi Guarda rede Cabo-Verde.

Kompete ho tátika ho fíziku, entre ekipa rua ne'ebé hadapu malu bola iha kampu ne'ebé enfeita ho duut-matak, ho kosar ne'ebé habokon isin, no sofrimentu oi-oin hodi fó presaun ba liña defensiva ekipa, maibé liña defensiva ekipa rua hot-hotu sólidu iha fileira, antisipa bola ho di'ak.

Angola ho Cabo-Verde disipliña jogu,  konsege hetan oportunidade hodi sutu livre, husi erru ne'ebé liña defesiva ho mediu halo, maibé sutu refere seidauk kona-ba tarjetu, nune'e Sira  koko rekopera fila-fali bola, hodi halo lansa atake ba malu, liu husi liña parte loos no karik ho mediu, hodi hatama bola ba liña defensival ni'an, maibé avansadu sira  la uza oportunidade ho di'ak.

Nune'e ho jogu defensivu barak ne'ebé Angola hala'o fó oportunidade ba Cabo-Verde hodi halo kontra atake maka'as ba liña defensiva Angola ni'an no fó oprtunidade ba sira-nia avansadu hodi rezulta golu ba ruma ba guarda rede.

Intensidade jogador Cabo-Verde komesa halo jogu ho intesidade boot, hodi fó presaun makaas ba liña defeza Angola,  hodi lansa sutu, maibé adversáriu rekopera hikas bola, hodi fo ameasa fali ba guarde rede Cabo-Verde ni'an, maibé sei hetan salva.

Duel entre ekipa rua  husi kontinente Afrika  ne'e manas liu tán, maibé iha minutu 21 ekipa Angola hetan oprtunidade atu hatama golu ba adversáriu, enkuantu Guarda rede Cabo-Verde konsege salva bola ho di'ak.

Ekipa Cabo-Verde ne'ebé hala'o jogu kuaze ho fiziku mak barak, enkunatu ekipa Angola mai ho tátika bola husi ain-ba-ain, husi liña mediu parte los no parte los, hodi fo presaun maka'as ba Cabo-Verde, liu husi sutu sira, maibé seidauk kona nia alvu.

Cabo-Verde mós lakohi lakon, nune'e jogadór sira komesa invade liña defensiva Angola ni'an, nune'e ekipa rua ameasa ba malu to'o liña defensiva, maibé ameasa sira ne'e hela ho mamuk, to'o arbitru hakotu jogu primeira parte, ekipa rua la iha ida mak marka golu to'o termina jogu ho score 0-0.

Tama ba jogu segundu parte ni'an, ekipa rua husi kontinente Áfrika, hala'o jogu ho rítmu ne'ebé neneik, hodi dudu bola husi ain-ba-ain, to'o liña defensiva hodi lansa sutu, maibé liña defensivu ekipa rua nafatin sólidu.

Angola kria atake ne'ebé agresivu hodi fo presaun maka'as ba liña defensivu Cabo-Verde ni'an, hodi husik lansa sutu, maibé sei antisipa husi guarda rede Cabo-Verde ni'an, tanba ne'e treinadór ekipa Cabo-Verde komesa halo mudansa nia jogadór.

Duet bola Ekipa rua la'o  nafatin, jogadór ekipa rua nafatin halo kontra atake ba malu, hodi rezulta lansu sutu ba malu, maibé Cabo-Verde koko jogu liu husi kontra atake,  nune'e to'o iha minutu 78  jogadór Jadilson ho númeru 11, simu bola husi parte klaran, konsege halo kuak Guarda  rede Angola ni'an no muda score ba 1-0.

Ekipa Angola komesa ne'ebé mentalidade tuun ona, bainhira simu golu husi Cabo-Verde, maske nune'e sira kontinua antisipa  neneik pasa vila ba maluk,,  komesa halo presaun ba liña defensiva, nune'e to'o foin to'o minutu 80+1, liña defeza Cabo-Verde  komete erru, nune'e arbitru deside fó penalidade ba ekipa Angola, penalidade ne'e ezekuta husi jogadór João, no komsege produs golu, halo  impata jogu to'o jogu egunda parte termina..

Ho rezultadu impata ho score 1-1, abirtriu deside Hakat ba  drama sutu penidade, ekipa Cabo-Verde na'in haat konsege ezekuta ho diak, enkuantu jogadór Angola na'in rua failla iha ezekuta.

Nune'e, finalidade finál jogu futeból CPLP,  Cabo-Verde sai kampiaun (primeiru lugár), segundu lugár husi Angola no terseiru lugár husi Portugal.