Tuir komunikadu ne’ebé hakerek husi Padre Troy hatete, Nu'udar maun-alin úniku ne'ebé moris hosi papa ne'ebé foin eleitu, María Elena nia reasaun maka pesoál tebes no umanu tebes.

Iha momentu konklave nian, María Elena okupadu ho nia rutina loroloron nian iha Buenos Aires.

“Nia hanoin hikas, "Ha'u fase hela bikan sira bainhira ha'u rona 'Habemus Papam.' Ha’u tuur iha televizaun nia oin, nunka imajina katak ne’e ha’u-nia maun,”.

“Nia hatete ona mai ha'u molok nia sai, 'Chau nena, hablamos a la vuelta' ('Haree malu, maun, ita sei ko'alia bainhira ha'u fila')," Online ne’e asesu husi komunikadu ne’ebé hakerek husi Padre Troy.

Bainhira nia haree nia maun hakat ba varanda Bazílika São Pedro nian, nia sente emosaun, hanoin hikas momentu ne'e no dehan, "Ha'u hahú tanis no labele para; emosaun ne'e domina ha'u."

Maski nia tinan sanulu-resin-rua ki'ik liu nia maun, diferensa idade nian la difikulta sira nia relasaun besik. Sira iha ligasaun família ne'ebé metin, ne'ebé maka haburas iha tinan hirak nia laran.

Maibé, nia sa'e ba papadu lori dinámika foun ida. María Elena rekoñese katak nia reza ona atu nia labele eleitu nu'udar papa, tanba nia komprende responsabilidade no mudansa boot sira ne'ebé sei akontese iha sira nia moris no relasaun sira.

Iha tinan sira tuir nia eleisaun, María Elena mantein perfil ki'ik, hili atu la mosu iha públiku. Nia kontinua nia moris iha Arjentina, hodi hafolin memória sira no konversa pesoál sira ne'ebé nia iha ho nia maun.

Nu’udar Papa Francisco asume ninia knaar globál, defende ema marjinalizadu sira no habelar mensajen mizerikórdia nian, María Elena apoia nia husi dook, orgullu maibé konxiente kona-ba sakrifísiu pesoál sira ne’ebé ninia maun tenke halo iha ninia pozisaun.

Iha tinan hirak ikus ne’e, María Elena nia saúde sai aat, ne’ebé halo nia hela iha fatin kuidadu relijiozu ida ho madre sira nia supervizaun. Infelizmente, tanba nia saúde no liuliu tanba protokolu no ezijénsia papal nian, Maria ho nia maun la konsege hasoru malu fali pesoalmente molok nia maun mate.

Dezeju ne'ebé la kumpre ba hakuak ikus no laran-manas família nian subliña sakrifísiu sira hosi Papa Francisco no nia família besik liu.

Istória María Elena nian refreska ita-nia memória sira kona-ba família katólika sira ne'ebé dedika sira nia oan-mane no oan-feto sira ba igreja no servisu. Família sira ne'ebé sakrifika hamutuk, besik no laran-manas família nian, hodi hanoin hikas knaar nobre ne'ebé tau iha sira nia oan-mane/oan-feto doben sira nia kabas.

“Se ita haree irmán sira, se ita haree maun-alin sira, se ita haree bispu sira, se ita haree pastorál sira, harohan ba sira no ba sira-nia família sira ne’ebé dala barak sofre saudade no laran-susar iha uma,”.

No agora daudaun, reza ba María Elena. Hanesan fó sai, nia foin to'o iha Vatikanu.

“Ha'u hakerek ida-ne'e, hein Vatikanu fó sai momentu ne'ebé María Elena kaer nia maun nia isin,”dehan Padre Troy.