"Pagamentu ba idozu no invalides faze daruak iha 12 munisipiu inklui Rejiaun Administrativu Espesial Oecuse Ambeno (RAEOA) nian hotu ona, iha Baukau mak pagamentu ikus iha fevereiru nia laran, tanba iha Baukau iha suku barak,”dehan nia ba Online INDEPENDENTE, iha knar fatin INSS, Kaikoli, tersa nee (22/02).
Nia rekoñe katak, pagamentu hotu tarde tanba iha problema barak iha territoriu laran, kona ba dadus, ezemplo hanesan iha Munisipiu Baukau, Postu Administrativu Kelikai mak pagamentu hotu ikus, tanba infrenta problema dalan no seluk tan.
Enkuantu, INSS hein hela relatoriu husi Banku Nasional Komersiu Timor-Leste, hanesan banco ne'ebe implementa programa ne'e, hodi halo planu hamutuk hodi halo fali pagamentu ba idozu no ivalides ba faze dahuluk iha tinan 2022, neebé sei aumenta ba dolar amerikanu $50 kada fulan.
Nia dehan, Pagamentu Ida Agora dadaun hahu ho valor $30, maibe tama ona ba iha tinan ne'e, hahu implementa Pagamentu ba Idozu-Invalides ho valor $50
Enkuantu, pagamentu ba idozu no invalides faze daruak nian hahú iha 22 fulan novembru 2021 no remata iha fulan fevereiru tinan ne'e.
Entretantu, total pagamentu ba idozu no invalides iha tinan 2021 nian hamutuk 93.378 benifisiariu ho montante osan neebé selu ona hamutuk U$17.172.040.
