Hafoin halo inspesaun, Vise Ministru Saúde, Bonifasio Maucali hateten ospital antigo Dr. Antonio de Carvalho ne’e sei prepara ba moras kroniku sira liuliu ba moras Covid -19 nian iha Timor-Leste.

"Ita hothotu hatene katak ospital antigo Dr. Antonio de Carvalho ida ne'e prepara hela fatin intensive Care Unit (ICU) atu simu moras kroniku  sira liuliu moras Covid-19 hodi nune bele utiliza fasilidade hanesan Ventilador hodi asegura ema nia vida moris,"dehan Maucali iha Lahane Dili ba jornalista Online Independente.

Nia konfesa katak, Timor-Leste dadaun ne'e infrenta hela Covid-19 husi loron ba loron sempre aumenta  maibé moras Covid-19 ne'e sei iha fase lizidu hela no kazu Covid -19 konsidera hanesan moderadu hela. Tanba ne’e, tuir Vise Ministru ne’e katak pasiente Covid -19 ne’ebé sei utiliza fatin karantina tasi tolu nian no fatin isolamento Centru Saude Vera Cruz nian tanba konsideradu pasiente Covid -19 sedauk grave no konsidera hanesan lizedu.

Nunee, Pasiente Covid-19 ne’ebé grave sei transfere ba ospital antigu Dr. Antonio de Carvalho hodi tau ventilador.

Nia informa, ospital antigo Lahane ne'e utiliza Osamento Covid-19  ne’ebé aprovadu husi Parlamento Nasional iha tinan 2020 ho montante hamutuk rihun atus haat dolar Americano ($400,000).

Tanba ne’e Ministério Saude halo ona proposta orsamento adisional ho montante hamutuk rihun atus ida hitu nulu dolar Americano ($170.000 USD) hodi konstrui moru no sosa asesores seluk hodi kompleta ospital antigu Lahane.

Tuir dadus atuál pasiente moras Covid-19, aumenta sae ba na’in 38, ne’ebé baixa hela iha sala isolamentu Sentru Saúde Vera Cruz Dili.