Parlamentu Nasionál aprova orsamentu retifikativu iha espesialidade ba Ministériu Defeza a-favor 61 no abstensaun 3 no Ministériu Interiór rezultadu votasaun a-favor 59 no abstensaun 9.
Aliende ida Parlamentu nasionál aprova orsamentu ba FALINTIL, Forsas Defeza Timor-Leste (F-FDTL) rezultadu a-favor 63 no abstensaun 1 no Polisia Nasional Timor-Leste (PNTL) rezultadu votasaun a-favór 62 no abstensaun 2.
Orsamentu retifikativu Ministériu Defeza totál US$ 22.088.548 kompostu salariu vensimentu US$ 2.419.617, bens servisu US$ 7.825.131, tranferensia públika US$ 330.000, kapital menor US$ 10.232.800 no kapital dezenvolvimentu US$ 1.281.000.
Husi montante fahe ba programa defeza nasionál, funsionamentu no dezenvolvimentu instituisionál, inkluzaun sosial. Orsamentu ba F-FDTL fahe ba programa; Defeza Nasionál, Funsionamentu no Dezenvolvimentu Instituisionál, Inkluzaun Sosial.
Orsamentu retifikativu ba Ministeriu Interiór total tokon $9.759.270 kompostu Salariu Vensimentu $4.509.394, Bens Servisus $2.954.276, Kapital Menor $2.295.600, Kapital Dezenvolvimentu no Tranferensia publikas laiha. Husi montante fahe ba programa, Seguransa Nasionál. Funsionamentu no Dezenvolvimentu Instituisionál.
Polisia nasionál Timor-Leste total Tokon $46.576.122 kompostu Saláriu Vensimentu $32.612.597, Bens Servisus $11.758.025, Tranferensia publikas $126.950, Kapital Menor $2.078.550 no Kapital Dezenvolvimentu laiha. Fahe ba programa; Seguransa Nasionál. Funsionamentu no Dezenvolvimentu Instituisionál.
