Rezultadu votasaun iha Parlamentu Nasionál (PN) ne’e a-fovor (39), kontra (0) no mós abstensaun (20).
Vise-Primeiru Ministru no Ministru Planu Ordenamentu (VPM-MPO) José Maria dos Reis iha intervensaun hateten, Orsamentu Fundu Infraestrutura tinan ida ne'e (2022) nian ki'ik, tanba ne'e governu husu retira proposta ba SEJD nian ne'ebé atu haree ba atividade Organizasaun Juventude Estudante Timot-Leste (OJETIL).
"Ha'u atu interven de'it iha proposta ida ne'e Deputadu sira hotu-hotu hatene katak, fundu Infraestrutura tinan ida-ne'e ki'ik tebes iha instorital prosesu fundu Infraestrutura nian desde 2011 to'o agora. Tanba ne'e mak Deputadu proponente orsamentu apropriadu ona atu selu retensaun. Se hasai ida ne'e, ita iha problema boot ba tinan oin atu selu detensaun ba edifisiu ne'ebé prontu ona," José Reis hateten iha debate espesialidade OJE 2023 iha PN, Tersa (15/11/2022).
Iha 2020 ki'ik liu, tanba la'o hela ho orsamentu duodésimu ho millaun $180 resin, tinan kotuk millaun $300 no mós tinan ida-ne'e millaun $201.
Proposta ida ne'e mai atu hasai $173 mill husi fundu Infraestrutura, atu hateten de'it katak fundu Infraestrutura ne'ebé mak ki'ik apropriadu liu ba iha projetu sira ne'ebé mak inkursu, projetu sira ne'ebé mak iha preparasaun Tékniku prontu ona no projetu sira ne'ebé mak iha hela prosesu aprovizionamentu.
Entaun orsamentu ne'ebé mak alokadu ba iha fundu Infraestrutura, nune'e atu selu ba iha projetu sira ne'ebé mak la’o hela inklui 173 ne'e selu ba retensaun edifisiu OJETIL nian, tanba edifisiu OJETIL nian prontu ona agora atu selu retensaun.
Projetu ida ne'e desde 2014, aleinde konstrusaun hamutuk ho moboliariu ho Informasaun Teknologi (IT) millaun $1, maibé momentu ne'e prosesu avansa uluk tanba la iha espesifikasaun husi IT mobiliarius.
Tanba ne’e, avansa uluk ho konstrusaun foin iha 2021 hasai duni husi Fundu Infraestrutura aloka $600 mill atu hola Mobiliarius ho IT ne'ebé aloka iha orsamentu SEJD nian.
"Foin tinan ida ne'e parese foin ezekuta de'it ba $100 ital mill ba iha mobiliarius ho orsamentu SEJD nian ne'ebé mak tun. Entaun, la iha oportunidade atu reapropria ida ne'e ba iha tinan ida ne'e, mezmu orsamentu ne'e uluk iha fundu Infraestrutura mais ita hotu hotu hatene katak bainhira orsamentu la ezekuta fila-fali ba kofre Estadu no fundu autónomu rai hela osan ne'e iha ne’ebá, tanba ne'e laiha dalan atu foti," nia tenik.
Iha fatin hanesan Deputada proponente Maria Angelica Rangel da Cruz hateten, atu foti osan ne'ebé restu ka iha hela fundu Infraestrutura hodi tau fali ba SEJD atu haree no kontinua ba atividade sira seluk ka edifisiu OJETIL ne'e rasik, maibé depende ba Governu.
"Obrigado barak ba esplikasaun husi koinesmentu Vise Primeira Ministru hanesan mós Prezidente Konsellu Administrasaun Fundu Infraestrutura (KAFI) bazeia ba esplikasaun ne'ebé mak iha hanesan proponente ami retira Ami nia proposta," nia tenik.
